«ALMATY LEADERS» жоба аясында есірткіге қарсы күрес тақырыбында сурет байқауы өтті

2024 жылдың 5 қарашасында Алматы қаласы Жастар Саясаты басқармасының қолдауымен, «Жастар Рухы» Жастар Қанаты АҚФ және «Жастар Рухы» Шымкент қоғамдық қорының бірлесе ұйымдастыруымен «ALMATY LEADERS» қоғамдық жобасы аясында есірткіге қарсы күрес тақырыбында сурет байқауы өтті. Байқаудың басты мақсаты – жастар арасында есірткі қолданудың алдын алу, оның зиянды әсерлерін түсіндіру және дұрыс өмір салтын насихаттау.

Бұл байқау есірткіге қарсы күреске жастарды тарту, олардың шығармашылық қабілеттері арқылы маңызды әлеуметтік мәселені талқылауға мүмкіндік беру мақсатында ұйымдастырылды. Алматы қаласындағы Үздік университет студенттері байқауға қатысып, өздерінің ерекше суреттерімен есірткіге қарсы күрестің маңыздылығын көрсетті. Сурет байқауына Алматы қаласындағы 6 университеттің студенттері қатысты. Суреттер арқылы олар жастарды есірткіден аулақ болуға шақырып, зиянды әдеттермен күресу қажеттігін жеткізді.

Байқау қорытындысы бойынша жеңімпаздар анықталды:

•1 орын – Жұмат Әдемі Үсенқызы
•2 орын – Орынбасар Арайлым Ердалықызы
•3 орын – Азимбаева Айнұр Көпжанқызы

Жеңімпаздар мен қатысушылар байқаудың барлық кезеңдерінде ерекше белсенділік танытып, жоғары деңгейде шығармашылық жұмыстарын ұсынды.

Бұл байқау тек қана шығармашылық жарыс емес, сондай-ақ жастардың есірткіге қарсы күресте маңызды рөл атқаратынын көрсетуге бағытталған бастама. Әрбір суретте есірткіден бас тарту, денсаулықты сақтау және дұрыс өмір салтын ұстану қажеттігі жайлы маңызды хабарлама жасалды. Байқау қатысушылары осы мәселе бойынша қоғамның назарын аудартып, жастар арасында есірткіге қарсы тұрудың маңыздылығын жеткізді.

«ALMATY LEADERS» жобасы аясындағы байқау жастарды әлеуметтік жауапкершілікке, сондай-ақ өз денсаулығына деген құрметке тәрбиелеуде үлкен үлес қосты.

Байқау нәтижелері мен ұсынылған жұмыстар жастар арасында есірткіге қарсы күрестің белсенді түрде жүргізілетінін көрсетіп, бұл тақырыптың өзектілігін тағы бір мәрте дәлелдеді.