Алматыда есірткіге қарсы күрес тақырыбында ауқымды «FUTSAL 2024» ойыны тартысты өтті

6 қараша күні ҚазҰУ футбол алаңында Алматы қаласы Жастар саясатының басқармасының қолдауымен және «AMANAT» партиясы жанындағы «Жастар Рухы» Жастар Қанаты мен Шымкент қоғамдық қорының ұйымдастыруымен өткен «Almaty Leaders» жобасы аясында есірткіге қарсы күрес тақырыбында FUTSAL атты жарқын футбол ойыны өтті.

 

Ойынға 6 команда, 70-ке жуық қатысушы жиналды.

 

Қызықты матчтардан кейін жеңімпаздар анықталды:

1 орын — “ӨНЕР” командасы
 2 орын — “ҚОРА” командасы
3 орын — “АЙДАҺАРЛАР” командасы

 

ҮЗДІК ҚАҚПАШЫ - Сапарали Сапарбек Ерболұлы

ҮЗДІК ҚОРҒАУШЫ - Қадірбек Асылхан Иманбекұлы

ҮЗДІК ШАБУЫЛШЫ - Тәжібай Өнер 

ҮЗДІК ОЙЫНШЫ - Жексенбаев Бекзат

 

Ойын қорытындысы бойынша жеңімпаздарды құттықтай отырып, ұйымдастырушылар барлық қатысушыларға алғыс білдірді. Жеңімпаздар кубоктар, медальдар мен дипломдармен марапатталып, барлық қатысушыларға естелік сыйлықтар мен алғыс хаттар табысталды.

 

Ойынның басты мақсаты – жастар арасында салауатты өмір салтын насихаттап, есірткі мен басқа да зиянды әрекеттерден сақтандыруға ықпал ету. Бұл шара жастарды спортқа тарту арқылы олардың денсаулығын нығайтып, қоғамдық қауіпсіздікке де оң әсер етуді көздейді. Жарысқа қатысқан әрбір команда мен ойыншы тек жеңіске жетуге ғана емес, сонымен қатар салауатты өмір салты мен есірткіге қарсы күреске өз үлесін қосу үшін қатысты.

 

«FUTSAL 2024» шарасы тек спорттық іс-шара ғана емес, жастардың денсаулығын сақтау, олардың зиянды әдеттерден арылуына септесу мақсатындағы маңызды бастама болды.