IQ-ALA jastary жобасының финалдық GRAND FINAL қатысушыларының арасында тимбилдинг ұйымдастырылды

Алматы қаласы Жастар саясаты басқармасының қолдауымен, Алматы қаласы «Жастар Рухы» ЖҚ, «Алаш Жастар Одағы» қоғамдық қорының бірлесе ұйымдастыруымен IQ-ALA jastary жобасының финалдық GRAND FINAL қатысушыларының арасында жақын қарым-қатынас орнату үшін арнайы тимбилдинг шарасы ұйымдастырылды.

ҮЗДІК ФИНАЛИСТЕР КОМАНДАЛАРҒА БӨЛІНІП, ЕКІ НЕГІЗГІ ОЙЫНҒА БЕЛСЕНЕ ҚАТЫСТЫ 

Бұл тимбилдингте қатысушылардың жылдам әрекет ету дағдыларын дамыту мақсатында, үстел үстіндегі стақандарды үрілген шар арқылы екінші жаққа тасымалдау ойыны ұйымдастырылды. Аталған ойын жылдамдық пен зейінділікті талап етеді. Қатысушылар екі командаға бөлініп, стақандар санына қарай жарысқа түсті.

Келесі ойын шарларды жылдам жаруға бағытталды.

Бұл ойын негізінен ересектерге арналған, және оның мақсаты - күнделікті білім алумен қатар, физикалық шынығу мен қарым-қатынас дағдыларын дамытуды назарға алу.

Жастарға жаңа серпін беріп, белсенділік орнату - біздің басты мақсатымыз болды.