Республика күніне орай IQ Ala Jastary жобасының қорытынды «GRAND FINAL» турнирі өтті

24 қазан күні Алматы қаласы Жастар саясаты басқармасының қолдауымен, Алматы қаласы «Жастар рухы» Жастар қанаты және «Алаш Жастар Одағы» қоғамдық қорының бірлесе ұйымдастыруымен, Республика күніне орай ауқымды интеллектуалды сайыстың «IQ ALA jastary» финал турнирі «GRAND FINAL» өтті.

 “GRAND FINAL” турниріне осыған дейінгі кезеңдерде жеңімпаз болған қатысушылар қатысып, 12 команда іріктелді.

Іс-шара белсенді жастардың қатысуымен Нархоз университетінде өтті.

Турнирдің алғашқы кезеңі тарих беттерімен басталып, екінші кезең әлемдік брендтер туралы ашық сұрақтар талқыға алынып жалғасты.

Турнирдің арнайы қонағы ретінде Алматы қаласы Мәслихат депутаттары Ақанова Әсия Айқанқызы, Есматов Серік Аманжолұлы, Сәтпаев университетінің профессоры - ғалым Нұрлыбаев Руслан Ерғалиұлы; Сақбаева Ақерке - жастарды әлеуметтендіру және жастар бастамаларын қолдау бөлімінің бас маманы; Құрманалиқызы; операциялық қызмет пен әлеуметтік-тәрбиелік жұмыс жөніндегі вице-провост - Сатаев Санат Ақылжанұлы; нархоз университеті студенттер ісі жөніндегі офис басшысы Қаби Елікбай; Алматы мемлекеттік бизнес колледжінің директор орынбасары Құрманәлі Жұлдыз, “Aqyl battle” жобасының авторы Құлатай Айболат Айболұлы шақырылды. Арнайы шақырылған қонақтар қатысушыларға қолдау білдіріп, жобаның маңыздылығы туралы атап өтті. Турнирге қатысқан әрбір қатысушыға “IQ ALA JASTARY” интеллектуалдық ойындарының имидждік сыйлықтары табысталды. 
 

ФИНАЛ НӘТИЖЕЛЕРІ:

1 орын - ЖАС ҚЫРАН 500 000 теңге

2 орын -  ЖЕЛ ЖЕБЕЛЕРІ 300 000 теңге

3 орын -  ТҰМАРЫМ 200 000 теңге

IQ ALA JASTARY  жобасы 1000 -ға жуық студенттердің белсенділіктерін арттыруға көмектесті.