РЕСПУБЛИКАЛЫҚ IQ BATTLE БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

Еліміздің түкпір-түкпіріндегі дарынды  жастарға қызықты бос уақытты және стильді қарым-қатынасты ұйымдастыру мақсатында республикалық IQ Battle байқауы өтті.

Жоба ҚР Мәдениет және ақпарат министрлігі, «Азаматтық бастамаларды қолдау орталығы» КЕАҚ қолдауымен «Алматы студенттер Альянсы» КҚ ұйымдастыруымен «Ules» жобасы аясында ұйымдастырылды

IQ Battle республикалық байқауына Қазақстанның барлық өңірінен 5 000-ға жуық жас қамтылды. 

Алматы облысы, Қонаев қаласында орналасқан «Балдәурен» республикалық оқу-сауықтыру орталығында 2024 жылдың  22 қыркүйегінде IQ Battle республикалық байқауының финалы өтті. 

Сайысқа еліміздің 17 облысы және Астана, Алматы, Шымкент қалаларынан арнайы іріктеліп алынған білімді де интеллектуалды, белсенді жастар қатысты.