ТҮРКІСТАН ОБЛЫСЫНДА 25-ҚАЗАН РЕСПУБЛИКА КҮНІНЕ ОРАЙ КӨШПЕНДІЛЕР ОЙЫНЫ ӨТТІ

Бүгін Түркістан облысының таулы аймағы Төлеби ауданында аудандық “Жастар ресурстық орталығы” КММ-нің ұйымдастыруымен облыс жастары арасында “Көшпенділер ойыны” өтті. Ауданымызда дәстүрлі түрде төртінші рет ұйымдастырылған дода бұл жылы 25-қазан Республика күніне арналды. Бірінші мамыр ауылы, “Төлеби спорт клубы” КММ-де өткен бұл сайысқа “Облыстық жастар ресурстық орталығы” КММ-нің басшы орынбасары Пердебек Сержанұлы, аудандық ақсақалдар ардагерлер ұйымының төрағасы Әтірхан Шыңғысбаев, аудандық маслихат төрағасы Нұрлан Қойбағаров арнайы қатысып, барлық аудан, қаладан келген спортшыларға сәттілік тілеп, қолдау білдірді. 
 

Айтулы дода дала дәстүрін, ұрпақтар сабақтастығын негізге ала отырып, халқымыздың тарихын, болмысын, дәстүрін жастарға кеңінен насихаттайды. 

 

Ағымдағы жылы аудан, қаладан келген спортшылардан құралған 12 команда өзара 7 спорт түрінен, атап айтқанда, садақ ату, қазақ күресі, көкпар жекпе-жегі, мас-рестлинг, аударыспақ, алыптар сайысы және арқан тартысынан бәсекеге түсті.

 

Тартысты доданың қорытындысына келер болсақ, спортшылар төмендегідей нәтиже көрсетті:

 

Садақ ату 
1-орын Төлеби ауданы 
2-орын Түлкібас ауданы 
3-орын Қазығұрт ауданы

 

Қазақ күресі 
1-орын Бәйдібек ауданы
2-орын Төлеби ауданы 
3-орын Сарыағаш ауданы

 

Көкпар жекпе-жегі 
1 орын Қазығұрт ауданы 
2 орын Төлеби ауданы
3 орын Сайрам ауданы

 

Мас-рестлинг  
1 орын Сарыағаш ауданы
2 орын Бәйдібек ауданы 
3 орын Шардара ауданы

 

Аударыспақ 
1 орын Бәйдібек ауданы 
2 орын Төлеби ауданы 
3 орын Сарыағаш ауданы 

 

Алыптар сайысы (арба сүйреу)
 1 орын Сауран ауданы
2 орын Отырар ауданы
3 орын Қазығұрт ауданы

 

Арқан тартысы
1 орын Бәйдібек ауданы 
2 орын Арыс қаласы
3 орын Сарыағаш ауданы

 

Жалпы командалық есеп бойынша:
1-орын Бәйдібек ауданы (500 000теңге)
2-орын Төлеби ауданы (300 000теңге)
3-орын Сарыағаш ауданы (200 000теңге) ие болып, арнайы кубоктар мен қаржылай сыйлықтар табыс етілді. 
 

“Ең үздік киім үлгісі” номинациясына Сауран, Қазығұрт ауданы және Арыс қаласы лайық деп табылып, 50 000 теңге қаржылай сыйлыққа ие болды. Сондай-ақ қатысқан барлық командаға 50 000 теңге көлемінде қаржылай ынталандыру сыйлықтары табыс етілді.

 

Алыптар сайысында салмағы 500 келі болатын арбаны 19,55м сүйреп рекорд орнатқан Сауран ауданының палуаны Бустанов Ирисдавлатқа арнайы номинация беріліп, 50 000теңге қаржылай сыйлық табыс етілді.

 

Айтулы доданың өтуіне мұрындық болған ұйымдастырушылар бұл шараның көшпенді халықтың құндылығы, мұрасы мен дәстүрін ұлттық ойындар арқылы көрініс табуына ықпал етіп, жастардың спортқа қызығушылығын арттыру көзделгенін атап өтті. “Көшпенділер ойыны” өз жалғасын табатынын жеткізді.